Великобританияттан кэлбит Саха сирин олохтооҕо коронавируһунан ыалдьыыга уорбаланар

Кулун тутар 25 күнүгэр Великобританияттан кэлбит Саха сирин олохтооҕун аналиһын чинчийии түмүгэр барыллаан быһыытынан коронавируһунан ыалдьыбыта бигэргэннэ уонна салгыы Новосибирскайга туоһулааһыҥҥа ыытылынна. Түмүгэ кулун тутар 27 күнүгэр биллиэҕэ.

«Билигин өссө биир коронавируһунан ыалдьыыга уорбаланар киһи баар. Бэҕэһээ аэропортка Роспотребнадзор санитарнай карантинын пуунун үлэһиттэрэ Великобританияттан Москва нөҥүө көтөн кэлбит эр киһини тохтоттулар. Онно үөрэнэр устудьуон тумуу сибикилээҕэ бэлиэтэнэр», – диэн өрөспүүбүлүкэтээҕи Роспотребнадзор упралениетын салайааччыта Маргарита Игнатьева иһитиннэрдэ.

Билиҥҥи туругунан бары алтыспыт дьоно биллибиттэрэ этиллэр.