Виктор Пинскай Уһук Илин ипотекатыгар уларытыылары киллэрэр туһунан эттэ

Госдума дьокутаата Виктор Пинскай чэпчэтиилээх ипотеканы биэрии быраабылатыгар уларытыылары киллэрэргэ уонна «иккис ырыынакка» дьиэ ылар кыаҕы бырагыраамаҕа кытыарар туһунан этии киллэрдэ. Бу туһунан ТАСС иһитиннэрэр.

«Уһук Илин куораттарыгар саҥа олорор дьиэ тутуллубат, онон чэпчэтиилээх ипотеканан «иккис ырыынакка» дьиэ ылар кыах баар буолуохтаах», — диэтэ Виктор Пинскай.

Дьон саҥа дьиэни атыылаһар кыахтаннаҕына, нэһилиэнньэ ахсаана элбиэҕэ диэн дьокутаат бэлиэтээтэ.

Инники Дойду бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев чэпчэтиилээх иптотеканы биир сүрүннүүр уонна дьиэ сыаналарын хонтуруоллуур туһунан регион баһылыктарыгар соруйбута.

Санатан эттэххэ, «Уһук Илин ипотеката» бырагырааманы бэрэсидьиэн Владимир Путин 2019 сыллаахха көҕүлээн киллэрбитэ.