Вице-премьер Ольга Балабкина грипп утары быһыыны ылла

Бырабыыталыстыба бэрэссэдээтэлин солбуйааччы Ольга Балабкина Өлүөхүмэҕэ үлэтинэн сылдьан грипп утары быһыыны ылла.

Кини этэринэн, улахан дьон быһыыны ылыытын көрдөрүүтэ намыһах, оҕолор ылыыларын таһыма 60 % тэҥнэһэр.

Вице-премьер бэйэтин холобурунан, быһыыны ыларга ыҥырар, бу иммунитеты үрдэтэр ньыма буоларын уонна ханнык баҕар инфекционнай ыарыыны чэпчэкитик аһарарга көмөлөһөрүн туһунан эттэ.