Владимир Путин 2020 сыл кулун тутар 25 күнүнээҕи туһаайыыта

Россия бэрэсидьиэнэ Владимир Путин кулун тутар 25 күнүгэр, дойду эпидемиологическэй туругунан олохтоммут боппуруостарынан дойду олохтоохторугар иһитиннэрбит туһаайыылара:

  • Дойду Төрүт сокуонугар киирэр көннөрүүлэри талыы бүтүн Россиятааҕы куоластааһынын күнэ көһөрүллүөҕэ;
  • Кулун тутар 30 күнүттэн — муус устар 5 күнүгэр диэри, дойду үрдүнэн төлөнөр хамнастаах өрөбүл нэдиэлэтэ биллэриллиэҕэ;
  • Эбии көрүллэр төлөбүрдэр уонна социальнай чэпчэтиилэр сайабылыанньата суох уһатыллыахтара;
  • Үс сааһын туола илик оҕолоох дьиэ кэргэттэргэ, ый аайы хас биирдии оҕоҕо биэс тыһыынча солкуобай суумалаах эбии көмө көрүллүөҕэ;
  • Балыыһа лиистэрэ билиҥҥи күҥҥэ олохтоммут тиийинэн олоруу алын кээмэйигэр сөп түбэһэр сууманан ааҕыллыахтара;
  • Үлэтэ суох хаалыы түгэнигэр көрүллэр төлөбүр 8 000 солкуобайтан — 12 130 солкуобайга диэри үрдэтиллиэҕэ;
  • Урбаанньыттарга, ону таһынан ипотека уонна туһаныы кирэдьииттэригэр каникул биллэриллиэҕэ.