Владимир Путин: 3-7 саастаах оҕолорго босуобуйа кээмэйэ 11 тыһ. солк. тиийиэхтээх

Россия бэрэсидьиэнэ Владимир Путин Федеральнай мунньахха Анал этиитигэр 3-7 саастаах оҕолорго босуобуйаны 2020 сылтан 11 тыһыынчаҕа диэри улаатыннарыахха диэтэ.

«Оҕолорго көрүллэр босуобуйа инникитин дойдуга ортотунан 11 тыһыынчаҕа тиийиэхтээх», — диэтэ Владимир Путин.

Ону кытта босуобуйа төлөнүүтүн систиэмэтин судургутутарга сорудахтаата.

Сыллата туһаайар 16-с этиитигэр Россия бэрэсидьиэнэ дойду бүгүҥҥү балаһыанньатыгар сыанабыл биэриэ уонна сүрүн кэскиллээх соруктарга көрүүтүн үллэстиэ. Сүрүн болҕомто нэһилиэнньэ дохуотун таһымын үрдэтии боппуруоһугар ууруллара күүтүллэр.