Владимир Путин АЛРОСА хампаанньаны бастыҥ тэрилтэнэн ааттаата

Бэрэсэдьиэн Владимир Путин, коронавирус пандемиятын кэмигэр аан дойду ырыынагар АЛРОСА хампаанньа алмаас хостуур бастыҥ тэрилтэ буоларын эттэ. Бу туһунан ТАСС иһитиннэрэр.

«АЛРОСА — билиҥҥи туругунан, Саха сирин бүддьүөтүн олохтуур, дойдуга, аан дойдуга бастыҥ алмаас хостуур тэрилтэ», — диэтэ Путин хампаанньа салайааччытыгар, Сергей Ивановка.

Пандемия усулуобуйатыгар Россия атын ювелирнай уонна алмааһы хостуур тэрилтэлэрэ үлэлэрин тохтотон, бонкуруокка барар кутталлаахтарын бэрэсэдьиэн бэлиэтээтэ.

Атыыны-эргиэни чөлүгэр түһэрии туһунан Иванов этиитин, Путин болҕомтоҕо ылла уонна бырабыыталыстыбаны кытта өйөбүл миэрэлэрин оҥоруу туһунан ыйытта.