Владимир Путин грипп утары быһыы оҥорууну үбүлүүргэ соруйда

Россия бэрэсидьиэнэ Владимир Путин күһүҥҥү-кыһыҥҥы кэмҥэ дойду нэһилиэнньэтин 60 %-н хабан грипп утары быһыы оҥорууну үбүлүүргэ соруйда. Бу туһунан ТАСС иһитиннэрэр.

«Россия бырабыыталыстыбатыгар 2020-2021 сыллар күһүҥҥү-кыһыҥҥы эпидемиологическэй кэмнэригэр сытыы респираторнай инфекциялар тарҕаныыларын сэрэтэр тэрээһиннэри үбүлүүргэ, нэһилиэнньэ 60 %-нын хабан грипп утары быһыы оҥорорго, куттал бөлөҕөр баар дьон 75 %-нын хабарга», — диэн этиллэр.

Маны таһынан тустаах вакцина судаарыстыбаннай регистрацияны ааспытын кэнниттэн, саҥа коронавируснай инфекцияны утары быһыы оҥорууну үбүлүүргэ соруйулунна.

Регионнар салалталарыгар бу хаамыыны босхо уонна уочарата суох ыытарга этилиннэ.