Владимир Путин: саҥа национальнай бырайыактар тус эппиэтинэстээхтэр уонна чопчу сыаллаахтар

Саҥа национальнай бырайыактар инники баар бырагыраамалартан быһаарыыларынан уонна чопчу сыалларынан уратылаахтар. Бу туһунан Россия бэрэсидьиэнэ Владимир Путин ТАСС интервьютугар иһитиннэрдэ.

«Национальнай бырайыак диэн хас биирдии боппуруоска тус эппиэтинэс баар буолуута. Маннык ньымалары биһиги туһанан көрө иликпит», — диэн дойду баһылыга «Владимир Путинҥа 20 ыйытык» бырайыак кэмигэр бэлиэтээтэ.

Олоххо киирэр национальнай бырайыактарга чопчу соруктар, ирдэнэр үп уонна эппиэтинэстээх дьон ыйыллыбыттара бэлиэтэнэр.

Ол курдук, олох уһунун орто көрдөрүүтүн үрдэтээһин боппуруоһун быһаарыыга искэҥ уонна сүрэх ыарыыларын утары охсуһууга, суол саахалыгар дьон суорума суолланыытын аччатыыга уонна да атын хайысхаларга тус туһунан чопчу үп көрүллүбүтэ этиллэр.

Национальнай сорук уонна ону ситиһэр сыаллаах национальнай бырайыактар бэйэ бэйэлэриттэн ончу ураты буолалларыгар дойду бэрэсидьиэнэ болҕомтотун уурда. «Маны барытын бииргэ холбуохха наада буолуо», — диэн Владимир Путин бэлиэтээтэ.