Владимир Путин төрүт сокуоҥҥа киирэр уларыйыылары бэрэбиэркэлииргэ ыҥырда

Россия бэрэсидьиэнэ Владимир Путин дойду төрүт сокуонугар киирэр уларытыылары уонна көннөрүүлэри оҥорорго хас биирди сурук бэлиэтин бэрэбиэркэлиир булгуччулааҕын биллэрдэ. Бу туһунан ТАСС иһитиннэрэр.

«Уларытыылары оҥорорго хас биирдии тылы, сурук бэлиэтин кичэйэн бэрэбиэркэлиир сүдү суолталаах, ону сэргэ Конституцияҕа киирбит биһиги норуоппут сыралаах үлэтин түмүгүн энчирэппэккэ бүгүҥҥү күн ыҥырыыларыгар эппиэттиир гына үлэлиэхтээхпит», — диэн Владимир Путин эттэ.

Ыйыллыбыт 500 уларытыылартан барыта кыайан киирбэтин туһунан бэрэсидьиэн бэлиэтээтэ.

«Уопсайа 500-тэн тахса уларытыы киирбитэ бэлиэтэнэр. Биллэн турар Конституцияҕа барытын киллэрэр кыахпыт суох, ол гынан баран үлэлиир бөлөҕүнэн көрүллүбүт этиилэри сүтэриэ суохтаахпыт», — диэтэ кини.

Владмир Путин икки бөлөҕү оҥорор туһунан этии киллэрдэ: «Бастакы бөлөҕү Госдума уонна бэдэрээссийэ сэбиэтигэр, иккис бөлөҕү муниципалитеттарынан уонна регионнарынан үлэлииллэригэр туһаайыахха».

«Бырабыыталыстыба бэйэтин боломуочуйатын чэрчитинэн сокуону ылынарыгар олохтоохтор уонна уопсатыбаннай тэрилтэлэр этиилэрин туһаныаҕа», — диэтэ Владимир Путин.