«Якутуголь» хампаанньа 370-с мөл. туонна таас чоҕу хостообут

«Якутуголь» хампаанньа үлэһиттэрэ 370-с мөлүйүөн туонна таас чоҕу хостообуттар. Бу туһунан тэрилтэ пресс-сулууспата иһитиннэрэр.

Үбүлүөйдээх туоннаны 70-с №-дээх экскаватор экипааһа хостообут. Салайааччы машинистар Евгений Кочнев, Андрей Красильников, Александр Подглазов уонна Виктор Вологдин.

Геологтар улахан таас чох саппаастаах сири 1951 сыллаахха булбуттар. Онтон саҕалаан соҕурууҥҥу Саха сирин таас чохтоох бассейнын баһылааһын саҕаламмыт.

Коксаланар таас чох концентрата Россия металлургическай уонна коксохимическай тэрилтэлэригэр тиксэрэллэр, ону тэҥэ Азия — Чуумпу океан дойдуларыгар таһаарыллар. Умайар таас чох — Уһук Илиҥҥи регион олох-дьаһах коммунальнай хаһаайыстыбаны хааччыйар уо.д.а. тэрилтэлэригэр.

«Таас чоҕу байытар тэрилтэ өссө биир историяҕа киирэр кэрдииһи ааста. Үбүлүөйдээх туонна хостонуута «Якутуголь» трест тэриллибитэ 55-с сылыгар уонна Нерюнгритээҕи саппаас баайдаах сир арыллыытын 70-с сылыгар түбэспитэ кэрэхсэбиллээх», – диэн «Якутуголь» АХ салайааччы дириэктэрэ Иван Цепков бэлиэтээтэ.