Ян Федоров бэстилиэтинэн ытыыга Россия чөмпүйэнээтигэр иккис миэстэни ылла

Казань куоракка ыытыллыбыт Россия чөмпүйэнээтигэр Чурапчыттан сылдьар 16 саастаах Ян Федоров биэс иитиилээх пневматическай бэстилиэтинэн ытыыга иккис миэстэни ылла. Бу туһунан «Спорт Якутии» иһитиннэрэр.

«Чурапчытааҕы спортивнай киин иитиллээччитэ Самараттан сылдьар аан дойду кылаастаах спорт маастарын Андрей Щепетковы кыайан иккис миэстэни ылары ситистэ», — диэн этиллэр.

Бу көрүҥҥэ кыһыл көмүс мэтээли Санкт-Петербург куораттан сылдьар спорт маастара Алексей Кузнецов ылла.

Инники Роман Дмитриев аатынан Олмпийскай эрэллэр училищеларын устудьуона, 15 саастаах Алина Готовцева биэс иитиилээх пневматическай бэстилиэтинэн 10 миэтэрэҕэ ытыыга өрөспүүбүлүкэ сүүмэрдэммит хамаандатыгар өссө биир үрүҥ көмүс мэтээли аҕалбыта.