Ян Константинов Москва ох сааҕа бастыыр иһин күрэҕэр кыайда

Саха сириттэн сылдьар Ян Константинов Москва ох саанан ытыыга бастыыр иһин күрэҕэр бастаата. Бу туһунан «Спорт Якутии» иһитиннэрэр.

Юниордар кэккэлэригэр «классическай оҕунан» ытыыга 18 миэтэрэ ыраахха кыһыл көмүс мэтээли ылла. Ону тэҥэ Москва ох саанан ытыыга чемпионатыгар боруонса мэтээли ылла.

Ян Константинов Россия физическай культуураҕа, спортка уонна туризмҥа судаарыстыбаннай үнүбэрсиэтин бастакы куурсугар үөрэнэр. Дьокуускай 4-с №-дээх спортивнай оскуолатын түмүктээбитэ.

2019 сылга Орел куоракка ыытыллыбыт норуоттар икки ардыларынааҕы күрэхтэһиигэ Россия спордун маастарын нуорматын толорбута. Билигин Москва тренера Валерий Лыценконы кытта дьарыктанар.