Ярославскай аатынан түмэли өрөмүөннүөхтэрэ

Дьокуускайга Емельян Ярославскай аатынан Саха сиринээҕи кыраайы үөрэтэр түмэли өрөмүөннүөхтэрэ.

«Түмэл дьиэтэ история пааматынньыга буолар уонна суһаллык саҥардыллыан наада. Бырабыыталыстыба бэрэссэдээтэлин бастакы солбуйааччы Сергей Местников кэлэр нэдиэлэҕэ тиийэн көрүөҕэ», – диэтэ култуура миниистирэ Юрий Куприянов.

Кини этэринэн, бырабыыталыстыба билигин реставрация докумуоннарын бэлэмниир. Итиэннэ историческай суолталаах тутуулары өрөмүөннүүргэ анал лицензиялаах хампаанньалары эрэ ылаллар.