ЯТЭК гаас саппааһын 392,2 миллиард кубометрга тиийэ улаатыннарда

2020 сылга ЯТЭК уопсай дакаастаммыт гааһын конденсаата 17,1 мөлүйүөн туоннанан уонна айылҕа гааһын саппааһа 392,2 миллиард кубометрга тиийэ үрдээтэ. Бу туһунан хампаанньа пресс-сулууспата иһитиннэрэр.

2025 сылга диэри геологическай хаһыы үлэлэрин өр кэмнээх бырагыраамаларын чэрчитинэн, ЯТЭК хампаанньатын ресурсатын Саха сиригэр 1 триллион кубометрга тиийэ улаатыннарары былаанныыр. Ону тэҥэ, биэс сыл устата Орто Халыма, Мастаах уонна Толоон гаас конденсаата баайдаах сиргэ, Тымтайдаах лицензиялаах учаастагар 138 скважинаҕа хапытаалынай өрөмүөн үлэтэ ыытыллыаҕа.

Хампаанньа иһитиннэрэринэн, саппааһы улаатыннарыы Саха сирин гааһын бырайыага олоххо киирэригэр наадалаах. Бу Хабаровскай кыраайга магистральнай газопровод тутуутугар туһуланар.

Айылҕа гааһын убатыыга уонна инникитин Азия -Тиихэй океаннааҕы регион дойдуларыгар таһаарыыга кыамталар тэриллиэхтэрэ.