Юрий Трутнев: биһиги ресурсаларбыт РФ сиригэр эргийиэхтээхтэр

РФ бырабыыталыстыбатын бэрэссэдээтэлин солбуйааччы — Уһук Илиҥҥи федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев Уһук илин балык хаһаайыстыбатын бородууксуйатын атыыга таһаарыы балаһыанньатынан мунньах тэрийдэ. Бу туһунан Илиҥҥи сайдыы министиэристибэтин пресс-сулууспата иһитиннэрэр.

Биологическай ресурсалары булуу салаата Уһук Илин систиэмэни олохтуур салаа буолар. Уокурукка Россия балыгын 70 %-тан тахса кээмэйэ бултанар, 3,6 мөлүйүөн туоннаҕа тэҥнэһэр.

«2021 сылга биһиги хааччахтааһынынан, онтон Кытайга балык 60 %-на атыыга тахсар эбит буоллаҕына, Россия балыгын Кытайга таһаарыыны бобууну кытта сибээстээх ыарахаттары көрүстүбүт. Россия экономическай интэриэһигэр куттал баар, маны таһынан, бу салааҕа үлэлиир гражданнар дохуоттарыгар», — диэтэ Юрий Трутнев.

Кини биир эрэ дойдуттан тутулуктаммакка, Уһук Илин, дойду иһинэн ырыынакка таһаарыы боппуруоһун үөрэтэргэ эттэ.

Маны таһынан, «квотаны инвестицияҕа атастаһыы» хамсааһынын киллэрии туһунан үлэ ыытыллар. Бу хамсааһын соруга — балыгынан эргинии харчытын саҥа собуоттар тутууларыгар уонна суудуна оҥоруутугар ыытыы. Чуолаан эттэххэ, квота Уһук Илиҥҥи федеральнай уокурук балык бородууксуйатынан дьарыктанар 14 собуотугар тыырылынна, балартан Камчаткаҕа, Приморьеҕа уонна Сахалинскай уобаласка тоҕус собуот үлэтин саҕалаата.