Юрий Трутнев: «Илиҥҥи ньиэп – химическэй холбоһук» бырайыак көдьүүһэ кыра

НВК САХА – “Илиҥҥи ньиэп – химическэй холбоһук (ИНХХ) бырайыак көдьүүһэ кыратын туһунан “Роснефть” суоттааһыннара сөптөөх диэн ааҕар РФ вице-премьерэ Юрий Трутнев. Бу туһунан Интерфакс иһитиннэрдэ.

Трутнев этэринэн “Роснефть” ИНХХ тутуутун бырайыагыттан аккаастаммат.

“Мин Игорь Сечинныын кэпсэтэ сылдьыбытым. “Роснефть” хампаанньаны нолуокка маневр тула үөскээбит балаһыанньа астыннарбат. Кинилэр нолуокка маневр РФ таҥастыыр-оҥорон таһаарар кыахтарын толору туһанарга көҕүлээбэт. Билигин “сырой” ньиэби атыылыыр, оҥоһуллубут ниэби атыылыыртан барыстаах”, – диир этэр Юрий Трутнев.
Вице-премьер “Роснефть”, Минэнерго уонна Үп министиэристибэтэтэ кыттыылаах мунньах ыыппыта.

“Үс өрүт үһүөн тус туһунан позициялаахтар. “Роснефть” бэйэтин көрүүтүн дакаастыыр, Үп министиэристибэтэ сорох стимуллар баалларын туһунан этэр. Ол эрэн мин манна хампаанньа этиитин итэҕэйэбин, тоҕо диэтэргин, инвестицияҕа быһаарыныылары хампаанньа бэйэтэ ылынар. Өскө хампаанньа нолуок маннык усулуобуйатын түмүгэр ночооттоох буолар буоллаҕына, Үп министиэристибэтэтэ позициятын уларытыан наада”, – диэн быһаарда Юрий Трутнев.