Юрий Трутнев: коронавирус тарҕаныыта Россия уонна Кытай алтыһыыларыгар охсор

Вице-премьер, дойду бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев коронавирус ыарыыта тарҕаныыта Россия уонна Кытай дойдулара алтыһыыларыгар охсор, бастатан туран экономика уонна эргиэн хайысхатыгар диэн иһитиннэрдэ. Бу туһунан «Интерфакс» тириэрдэр.

«Биллэн турар алтыһыыбытыгар охсор, бастатан туран экономика уонна эргиэн хайысхатыгар. Ол эрээри боппуруос сытыытык турбат. Кытай уонна Россия икки сүдү державалар буолаллар. Кытай ыарыы тарҕаныытыттан өрүттүөҕэ, ыарыы тиийбит атын дойдулара эмиэ», — диэн Юрий Трутнев эттэ.

Россия Кытайы саҥа көрүҥ вируһу утары охсуһуутугар өйүүрүн бэлиэтээтэ.