Юрий Трутнев: Уһук Илин баһыйар тэтимнээхтик сайдыахтаах

Дойду бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев көһө сылдьар мунньаҕар макрорегион сайдыыытын институттарын салайааччыларын 2019 сылы түмүктүүр үлэлэрин дакылааттарын иһиттэ уонна 2020 сыллааҕы үлэ былаанын дьүүллэстэ. Бу туһунан Парламент хаһыата иһитиннэрэр.

«Уһук Илин баһыйар тэтимнээхтик сайдыахтаах. Үлэ таһаарыылаахтык барар, ол эрэн болҕомто ууруллуохтаах сатаммат өрүттэрэ эмиэ бааллар», — диэн Юрий Трутнев эттэ.

Уһук Илин бизнес уонна үлэ өттүгэр кэрэхсэбиллээх территория буоларын туһугар аналлаах сайдыы институттара баар буолуохтааҕын бэлиэтээтэ.

«Туһалаах үлэ тахсарын туһугар регионнар баһылыктарын кытта холбоһон бииргэ үлэлиир көҕү көтөҕөн биир хамаанда буолар булгуччулаах», — диэн иһитиннэрдэ.