Ньурбаҕа сыл бастыҥ спортсменнарын уонна кинилэр тренердэрин чиэстээтилэр (ВИДЕО)

Комментарии Спорт и культура

Просмотров: 29

NVK-ONLINE.RU – Ньурба оройуонугар спорт араас көрүҥнэригэр 2016 сыл түмүктэринэн ситиһиилэммит, оройуоннарын аатын республика, дойду, Аан дойду таһымыгар ааттаппыт бастыҥ спортсменнары уонна кинилэр тренердэрин чиэстээтилэр. Маны таһынан спортка көхтөөх нэһилиэктэр ортолоругар комплекснай спартакиада кыайыылаахтарын наҕараадалаатылар. Үгэскэ кубулуйбут Чемпионнар бааллара «Кыталык» култуура дыбарыаһыгар үрдүк таһымнаахтык ааста.

Туох барыта кыраттан саҕаланар, ол курдук спортка көрдөрүүлэр чаҕылхай буолалларын ситиһии – оҕо спордун өйөөһүнтэн саҕаланар. Ньурба оройуонугар күн бүгүн 3 оҕо спортивнай оскуолата, республикатааҕы статустаах бокса оскуолата, хас оскуола аайы спортивнай секциялар, куруһуоктар үлэлииллэр. Ньурба куорат бөдөҥ спортивнай саалата быйыл капитальнай өрөмүөн ааһан, саҥалыы тыыннанан үлэлиир. Бу барыта маассабай спорт сайдыытыгар дьайар.

2016 сыл 10 бастыҥ спортсменнарын ортотугар Сивцев Руслан баар. Кини мас тардыһыытынан дьарыктанар. Аҥаардас күүс-уох эрэ буолбакка, албас, сымса буолуу күүстээхтэрин быһаарар диэн этэр.

Кэнники сылларга Ньурба эдэр дзюдоистара үчүгэй көрдөрүүлээхтэр. Ольга Лихота «Азия оҕолоро» норуоттар икки ардыларынааҕы оонньуулар призердара, Уһук Илин регионнааҕы Первенство кыайыылааҕа. Эдэр спортсменка ситиһии күннэтэ эрчиллии түмүгэр кэлэр диир. Оройуон бастыҥ спортсменката бэйэтин махтал тылларын тренердэригэр аныыр.

Маны таһынан бу киэһэ оройуон комплекснай спартакиадатын кыайыылаахтара ааттаннылар. Хаҥалас уонна Ньурба куорат бастакы миэстэҕэ тиксэн, 100 тыһыынчалаах грант туттулар.



Добавить комментарий

Ваш e-mail не будет опубликован. Обязательные поля помечены *