Ньурба биир улахан хаһаайыстыбата сүүһүнэн мэҥэдьэк боруодалаах сылгылары иитэр (ВИДЕО)

Комментарии Экономика и сельское хозяйство

Просмотров: 32

NVK-ONLINE.RU – Ньурба улууһун биир бөдөҥ тэриллиилээх хаһаайыстыбата «Чаппанда» ТХПК быйылгы кыстыкка 480-тан тахса сыспай сиэллээҕи кыстатта. Олортон – 70 курдук убаһа. Бу күннэргэ хаһаайыстыбаҕа сааскы үлэлэр саҕаланнылар.

Быйылгы кыстыкка чаппандалар сылгыларын икки биригээдэнэн 3 базаҕа туруорбуттар. “Саалтааны” биригээдэ “Хара Уулаах” базатыгар кэллибит. Манна бүгүн эдэр сылгылары сэлэлиир, бэчээттиир, чиптэрин бэрэбиэркэлиир үлэлэри ыыталлар.

«Чаппанда» ТХПК племенной хаһаайыстыба буоларын быһыытынан, мэҥэдьэк боруодатын хаанын уларыппакка, аҥаардас кинини эрэ ууһатарга үлэлээбитэ 8 сыл буолла. Быйылгы кыстыкка 70-ча убаһаны ити сыалтан кыстаппыттар.

Мантан 20-тэ эрэ атыыга баран турар. Дьиҥэр, мэҥэдьэк боруодата Саха сирин сылгыларын атын боруодаларыттан бөдөҥүнэн, тыйыс тымныыны тулуйумтуотунан барыларыттан ордук. Онон атын улуустартан мэҥэдьэги ылыан баҕалаахтар элбэхтэр эрээри, сүнньүнэн Ньурба киин сиртэн тэйиччи сытара итиэннэ күһүн, саас өрүс хаайара атахтыыр.

 



Добавить комментарий

Ваш e-mail не будет опубликован. Обязательные поля помечены *

2 × 3 =