Ньурба улууһугар ууга түспүт оҕону быыһаабыт хорсун уолаттар

Комментарии От редакции

Поделиться:

НВК САХА – Быйыл от ыйын ортотугар Ньурба улууһугар Бүлүү өрүскэ сөтүөлүү сылдьан, ууга түспүт оҕону икки уол быыһаан турардаах.

Айаал Антонов табаарыһыныын Иван Танхаровтыын бу сайын от ыйын куйаас күнүгэр хас да буолан сөтүөлүү тиийбиттэр. Аҕыс саастаах уол эмискэ ууга түһэн, дьон аймаммытыгар, уолаттар уһуну-киэҥи толкуйдуу барбакка, тута ууга ыстанан, оҕону кыл-мүлчү хостоон таһаарбыттар.

“Киэһэ 19 чаас саҕана этэ. Сөтүөлүү сырыттахпытына, биир киһи оҕо тимирбит диэн эппитэ. Биһиги баран көрдүү сатаабыппыт. Көрбүтүм – ууга оҕо сытар этэ, хамсаабат этэ. Биэрэккэ таһаарбытым, Ваня көмөлөспүтэ. Эр киһи уонна оҕо ийэтэ бастакы көмөнү оҥорбуттара, “Суһал көмөнү” ыҥырбыттара”, – диэн Айаал кэпсиир.

Айаал Антонов Дьокуускай куорат 7 №-дээх орто оскуолатын барыта туйгун сыанаҕа бүтэрэн, номнуо үрдүк үөрэххэ Томскай куоракка киирэн, устудьуоннуу бараары бэлэмнэнэр. Ньурбаҕа сэттис кылааска диэри үөрэммит, онон хас сайын ахсын дойдутугар кэлэн, эбэлээх эһэтигэр оттоһор, балыктыыр, сир астыыр, көмөлөһөр эбит.

Хорсун быһыылаах уолаттар Айаал Антонов уонна Иван Танхаров быйыл иккиэн устудьуон кэккэтигэр киирэллэр. Онон инникитин хорсун-хоодуот уолаттарга ситиһиини баҕарыаҕыҥ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать + 11 =

ЛЕНТА НОВОСТЕЙ