Ньурба урбаанньыта биир дойдулаахтарын ыраас уунан хааччыйар

Комментарии Общество и политика

Поделиться:

НВК САХА –  Халаан кэмигэр Ньурбаҕа ыраас уунан хааччыйар тэрилтэлэр үлэлэрин үгэнэ. «Баай уу» скважинатын үлэлэтэр урбаанньыт В.М. Харламов тэрилтэтигэр нэһилиэктэртэн дьон бэйэлэрэ иһиттээх кэлэн уу куттан бараллар. Бу туһунан улуус дьаһалтатын пресс-сулууспата иһитиннэрэр.

Манна оператор Екатерина Иванова аһыллыаҕыттан үлэлиир, преформаттан 1 уонна 5 лиитэрэлээх бытыылканы үрдэрэр.

«Сүрүн үлэһиттэр иккиэбит. Ууну таһар уолаттар дуогабарынан сылдьаллар, икки массыынанан таһаллар. Үлэбит сарсыарда 9 чаастан саҕаланар, киэһэ 6 чааска диэри сакаас ылабыт. Күҥҥэ 5 туонна кэриҥэ уу ыраастанар. Эбиэккэ диэри уһуйааннары уонна оскуолалары уунан хааччыйабыт, онтон нэһилиэнньэҕэ, тэрилтэлэргэ тиэрдэбит», — диэн Екатерина Иванова кэпсээтэ.

Уу 200 миэтэрэ сир анныттан хачайданан тахсар. Ону таһааран иһиттэргэ бырахтараллар. Онтон төттөрү баран фильтрдэнэн ыраастанан кэлэр. Чоҕунан ыраастыыр фильтр, ультрафиолеттаах, мембраннай уонна атын фильтрдэр. Бу курдук уу сэттэ сүһүөх ыраастааһыны ааһан, киһи сиикэйдии да иһэрин курдук ыраастанан тахсар.

Уу фильтрдэри нөҥүөлээн кэлэрэ сабыылаах процесс, атын ханнык да эттик киирбэт. Уу кутуллар бытыылкалара салапаанынан сууланан икки өттүнэн баайыллар. СанПин ирдэбиллэрэ кытаанахтык тутуһуллар. Уолаттар ууларын иһитин төттөрү аҕаллахтарына, иһит иһин-таһын итии уунан сууйаллар. Кэмигэр ууну анаалыска ыыталлар. 10 күн буола-буола Роспотребнадзор анаалыс ылар. Онон уу хаачыстыбата барыта хонтуруолга турар, ирдэбилгэ эппиэттиир.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

11 − шесть =

ЛЕНТА НОВОСТЕЙ