Ньурбатааҕы драматическай тыйаатыр норуоттар икки ардыларынааҕы бэстибээлгэ кыттар

Комментарии Главные новости, Спорт и культура

Поделиться:

НВК САХА – Соҕуруу Сахалинскайга “Сахалинская рампа” диэн норуоттар икки ардыларынааҕы тыйаатыр бэстибээлэ саҕаланна. Онно кыттар 15 тыйаатырдар ортолоругар Ньурбатааҕы көһө сылдьар драматическай тыйаатыр эмиэ киирдэ. Бу туһунан “Интерфакс” иһитиннэрдэ.

18 күн устата – бэс ыйын 30 күнүн ааҕан туран – дьон-сэргэ аан дойду 15 тыйаатырын 26 испэктээгин көрүөҕэ. Россия, Казахстан, Сербия, Финляндия, Кытай туруоруулара бырагырамааҕа киирдилэр. Бэстибээл “Култуура” национальнай бырайыак иитинэн ыытыллар.

Ол курдук Уһук Илиннээҕи бырагыраамаҕа Чехов киинэ, Сахалинскайдааҕы куукула тыйаатыра, Хабаровскайдааҕы эдэр көрөөччү тыйаатыра, Комсомольск-на-Амуре драма тыйаатыра уонна Ньурбатааҕы көһө сылдьар драматическай тыйаатыр киирдилэр.

“Сахалинская рампа” анал бырагырааматыгар испэктээктэри араас омук тылларынан эмиэ туруоруохтара. Ол курдук  “Sociopath/Гамлет” (“Старый дом” тыйаатыр, Новосибирскай), “Бабушки” уонна “Золушка” (“Практика” тыйаатыр, Москва), “Наташина мечта” (Вологодскайдааҕы эдэр көрөөччү тыйаатыра) диэн дьон-сэргэ биһирэбилин ылбыт испэктээктэрин көрөөччүлэргэ анаан туруоруохтара.

Соҕуруу Сахалинскайга тыйаатыр бэстилээлэ икки сылга биирдэ регион бырабыыталыстыбатын өйөбүлүнэн ыытыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × четыре =

ЛЕНТА НОВОСТЕЙ