Оҕолорун, сиэннэрин сылаас тапталларыгар угуттанан, биир үйэни уҥуордаан…

Комментарии Общество и политика

Поделиться:

НВК САХА – Дьокуускай олохтооҕо, үлэ, тыыл бэтэрээнэ  Матрена Петровна Романова бүгүн 100 сааһын томточчу туолла.

Аарыма кырдьаҕас Мэҥэ Хаҥалас улууһун Тараҕай нэһилиэгэр 1919 сыллаахха кулун тутар 15 күнүгэр дьадаҥы ыалга төрөөбүтэ. Дьокуускайдааҕы мэдисиинэ училищетын бүтэрэн, акушер идэтин ылан, үлэтин Бүлүүттэн саҕалаабыта. Онтон Мэҥэ Хаҥалаһынан, Кэбээйинэн, Аллайыахаҕа тиийэ үлэлээн, сэрии кэмигэр дьону хоргуйууттан быыһаабыта. Хаан туттаран, үгүс киһи үрүҥ тыынын өллөйдөөбүтэ. Кырачааннар күн сирин көрөллөрүгэр, эмчит быһыытынан, көмөлөһөн, үгүс дьоҥҥо олох дьолун бэлэхтээбитэ.

Матрена Петровна төһө да 100 сааһын томточчу туоллар, билигин да бэрт сэргэх көрүҥнээх, быысабайдыыр, хоһоон ааҕар. “Киһи куһаҕан дьаллыкка ончу чугаһаабакка, аһары арыылаах аһы аһаабакка уонна үөрэ-көтө сырыттаҕына, олоҕо уһуур”, –  диэн этэр. Бүгүҥҥү кэрэ-бэлиэ күнүгэр ытык кырдьаҕаска Үйэ саас бэлиэ туттарыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − 3 =

ЛЕНТА НОВОСТЕЙ