«Охота и рыбалка в Якутии» диэн биэрии салгыы үлэлиэ

Комментарии Общество и политика

Поделиться:

НВК САХА – “Охота и рыбалка в Якутии” диэн биэрии салгыы үлэлиэ. Бу туһунан биэрии ааптарын, бырабыыталыстыба бэрэссэдээтэлин солбуйааччытынан, сибээс уонна информационнай технология миниистиринэн үлэлии сылдьыбыт Александр Борисов уола Илья Борисов сурутааччыларыгар видеонан иһитиннэрдэ.

“Социальнай ситимнэргэ бырайыак түмүктэниэ диэн суруйбуттара. Ол эрээри мин уонна биэрии үлэһиттэрэ бырайыак тохтуо суоҕа, салгыы үлэлиэ диэн этиэхпитин баҕарабыт. Александр Ильич туруорбут соруктарын толоро сатыахпыт, баҕар, эбии туох эмитэ саҥаны киллэриэхпит”, – диэн Илья Борисов эттэ.

Ону таһынан сааскы булт уонна балыктааһын туһунан матырыйааллар номнуо хомуллубуттарын туһунан эттэ.

“Сотору кэминэн “Хонуу куукуната” (“Полевая кухня”) диэн үгэс буолбут бэстибээл буолуохтаах. Ол Хаҥалас улууһугар ыытыллыа. Биһиги номнуо иккис сылбытын бэстибээли Дьокуускайга ыыппаппыт, тоҕо диэтэххэ, тэрээһин көһө сылдьан буолуохтаах. Ол иһин үгүс улуустар бэйэлэрин сирдэригэр-уоттарыгар ыыталларыттан олус үөрэллэр. Быйыл Александр Ильич төрөөбүт сиригэр Хаҥаласка ыытарга соруннубут”, – диэтэ Илья Борисов. 

Александр Борисов быйыл ыам ыйын 8 күнүгэр соһумардык олохтон туораабыта.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

16 − 5 =

ЛЕНТА НОВОСТЕЙ