Ойуур баһаара 273 нэһилиэнньэлээх пууну хаарыйыан сөп

Комментарии Общество и политика

Поделиться:

НВК САХА – Саха сиригэр 273 нэһилиэнньэлээх пууну ойуур баһаара хаарыйыан сөп. Олор төһө бэлэмнээхтэрин ЫБММ Саха сиринээҕи салаата бэрэбиэркэлээтэ. Бу туһунан биэдэмистибэ пресс-сулууспата иһитиннэрдэ.

“Умайан тахсар бөҕү-сыыһы, хаппыт оту ыраастыырга, иһитиннэрии тиһигин тупсарарга ордук болҕомто ууруллар. Маны таһынан ойуурга диэри нэһилиэнньэлээх пууннар төһө ыраахтарын көрдүлэр”, – диэн ЫБММ иһитиннэриитигэр суруллар.

Саха сиригэр ыам ыйын 1 күнүттэн 31 күнүгэр диэри баһаартан куттал суох буолуутун ыйа биллэриллибитэ. Ойуур баһаарын тоҕус муниципальнай тэриллиигэ (Бүлүү, Мэҥэ Хаҥалас, Нам, Ньурба, Сангаар, Таатта, Уус Алдан, Чурапчы улуустарыгар уонна Дьокуускайга) камеранан кэтииллэр.

“Биир камера 20 км эбэтэр 60 тыһыынча гектар сири көрүөн сөп. Балар ойуур баһаара төһө иэҥҥэ тарҕаммытын билэр кыахтаахтар”, – диэн биэдэмистибэ иһитиннэрэр.

Ойуур баһаарын умулларарга 517 киһилээх уонна 197 техникалаах бөлөх тэрилиннэ. Министиэристибэҕэ этэллэринэн, баһаар тахсар түгэнигэр, 4143 киһиэхэ уонна 243 техникаҕа тиийэ үлэлиэхтэрэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 + 19 =

ЛЕНТА НОВОСТЕЙ