Владимир Путин Кэбээйигэ үрүҥ көмүһү хостуур тэрилтэни арыйда

Комментарии Главные новости, Экономика и сельское хозяйство

Поделиться:

НВК САХА – Илиҥҥи экэнэмиичэскэй форум кэмигэр Владимир Путин Кэбээйи улууһун Вертикальное сир баайдаах учаастагар баар үрүҥ көмүһү хостуур комплексы арыйда. Бу туһунан Ил Дархан уонна бырабыыталыстыба пресс-сулууспата иһитиннэрэр.

Үрүҥ көмүһү оҥорон таһаарыы “Silver Bear Resources Plc” диэн норуоттар икки ардыларынааҕы хампаанньа инвестициялаабытын суотугар буолар. Инвестордар «Прогноз» диэн алын хампаанньаларын нөҥүө бырайыакка 7 миллиард солкуобайы укпуттар. 2027 сылга диэри нолуокка киирэр харчы 1,5 миллиардтан аҕыйаҕа суох буолуохтаах.

«Билигин биһиги сылга 110 тыһыынча туонна руданы кубулутан, 75 тыһыынча туонна үрүҥ көмүһү оҥорон таһаарар хайаны байытар фабрикалаах комплексы үлэҕэ киллэрэр соруктаахпыт. Итиэннэ салгыы 500 кв. килэмиэтир иэннээх сиргэ геологоразведканы ыытыахтаахпыт», — диэн «Прогноз» АТ генеральнай дириэктэрэ Анна Федорова кэпсиир.

«Якутия 24» ханаалга Кэбээйи улууһун баһылыга Иван Левин эппитинэн, Владимир Путиҥҥа комплексы билиһиннэрэн көрдөрүү интернетинэн балаҕан ыйын 4 күнүгэр буолбут.

«Бүгүҥҥү күҥҥэ саҥа тэрилтэҕэ 260 киһи үлэлээн эрэр, олортон 20-тэ олохтоох дьон. Барыта холбоон 300-чэ киһи үлэлиэхтээх», — диир Иван Левин.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + 19 =

ЛЕНТА НОВОСТЕЙ