Олег Марков: «Саха» НКИХ уонна «Якутия 24» телеханааллары аан дойду хайа баҕарар муннугар көрүөххэ сөп

Комментарии Главные новости, Общество и политика

Поделиться:

НВК САХА – “Саха” НКИХ, “Якутия 24” телеханааллар уонна “Тэтим” араадьыйа сонуннарын, биэриилэрин өрөспүүбүлүкэ да таһыгар сылдьан хаһан баҕарар көрүөххэ, истиэххэ сөп. Маныаха интэриниэт эрэ наада.

“Саха сирин сонуннарын, сөбүлүүр биэриилэргитин аны ханна баҕарар сылдьан көрүөххэ сөп диэн көрөөччүлэрбитигэр иһитиннэрэбит. Биһиги ханаалларбыт: “Саха” НКИХ, “Якутия 24” уонна “Тэтим” араадьыйа nvk-online.ru уонна yk24.ru саайтарга аан дойду хайа баҕарар муннугар көстөллөр”, – диэн “Саха” НКИХ генеральнай дириэктэрэ Олег Марков иһитиннэрдэ.

Көрөргө табыгастаах буоларыгар «Саха» НКИХ сыһыарыытын App Store-га эбэтэр  Google Play-гэ хачайдаан ылыахха сөп. Бу сыһыарыыга эфирдэр, сибиэһэй сонуннар тахса тураллар.

Маны таһынан, телеханааллары Peers уонна Vintera TV сыһыарыынан, “Яндекс.Эфир” диэн сервиһинэн быһа көрдөрүүлэри уонна интэриэһинэй биэриилэри көтүппэккэ көрүөххэ сөп. Ханнык баҕарар браузерга “Яндекс” диэн көрдүүр тиһилиги арыйан, сүрүн сирэйгэ “Эфир” диэни баттаан баран, “Саха” НКИХ уонна “Якутия 24” телеханааллары булабыт.

“Көрөөччүлэрбитигэр табыгастаах буоларын туһугар социальнай ситимнэргэ сонуннарбыт, туспа сюжеттарбыт  IGTV платформанан көстөллөр, маныаха @nvksakha уонна  @yk24.ru аккауннары булабыт. Ону таһынан YouTube-ка  НВК “Саха” уонна “Якутия 24″ диэн аккауннарбытыгар сурутуҥ”, – диэн Олег Марков бэлиэтээтэ.

“Саха” НКИХ уонна “Якутия 24” ханааллар кабелынан уонна спутниковайынан эмиэ көстөллөр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 + восемнадцать =

ЛЕНТА НОВОСТЕЙ