Ольга Балабкина: Олус элбэх үлэ күүтэр

Комментарии Общество и политика

Поделиться:

НВК САХА – СӨ бырабыыталыстыбатын бэрэссэдээтэлин солбуйааччыта Ольга Балабкина РФ бэрэсидьиэнэ Владимир Путин эппит соруктарын толорорго бары күүһү ууран туран үлэлиэм диэтэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Ольга Балабкина этэринэн, дойдуга демографияны тупсарарга элбэх оҕолоох ыалларга төлөнөр харчыны улаатыннарыы, нолуогу кыччатыы, оҕолоох ыалларга ипотекаларыгар льготалары көрүү туһунан этиллэр.

“Демографияны өйүүргэ аан бастакытын итиччэ харчы көрүлүннэ. Владимир Путин эппит миэрэлэрэ олоххо киирдэхтэринэ, оҕо төрөөһүнэ да элбиэ, Арассыыйа олохтоохторун социальнай өттүнэн харысхаллара да улаатыа. Саха сирэ бу хайысхаҕа үлэтин салгыыр. Өссө элбэх үлэ күүтэр”, – диэн Балабкина эттэ.

Санатар буоллахха, олунньу 14 күнүгэр Ил Дархан Айсен Николаев эрэгийиэҥҥэ оҕо төрөөһүнүн өйүүргэ аналлаах ыйаах таһаарбыта.

“Бэрэсидьиэн туһаайан этиитигэр, Ил Дархан ыйааҕар өйөбүл миэрэлэрэ чопчу ыйыллаллар. Былаас биир хайысхаҕа үлэлиир буоллаҕына, үлэ икки төгүл үтүө түмүктээх буолуоҕа”, – диэн Ольга Балабкина эттэ.

Маны таһынан, Балабкина доруобуйа харыстабылыгар өйөбүл миэрэлэригэр тохтоото. Ол курдук Путин медицина көмөтүнэн 2020 сыл бүтүөр диэри дойду бары эрэгийиэннэрэ, чуолаан ыраах сытар нэһилиэнньэлээх пууннар хааччыллыахтаахтар диэбитэ.

“Владимир Путин эппит сүрүн соругунан дьону медицина көмөтүнэн хааччыйыы буолар. Бу хайысхаҕа биһиги ФАП-ры, амбулаториялары тутарбытын салгыыбыт. Ону таһынан тэрилтэлэри үлэһиттэринэн хааччыйабыт”, – диэтэ Балабкина.

Искэҥ ыарыыларын кытта охсуһуу туһунан эттэххэ, СӨ доруобуйа харыстабылын министиэристибэтэ онкология ыарыыларын эрдэттэн билии үлэтин күүһүрдэр. Бэрэсидьиэн эппитинэн, бу ыарыыны кытта охсуһарга национальнай бырайыак чэрчитинэн 1 триллион солкуобайтан итэҕэһэ суох ыытыллыаҕа.

Маны таһынан Ольга Балабкина социальнай көмөнөн хааччыйыы туһунан бэлиэтээтэ.

“Социальнай көмөнү, босуобуйалары ыларга дойду үрдүнэн уустук. Ол иһин Саха сиригэр социальнай көмөнү ылыыны судургу гыныахпыт. Онно цифровизация көмөлөһүө, Айсен Николаев онно күүскэ болҕомтотун уурар. Киһи социальнай көмө ылаары, өр ыспыраапка хомуйа сылдьыа суохтаах”, – диэн Балабкина бэлиэтээтэ.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × 5 =

ЛЕНТА НОВОСТЕЙ