Олохтоох нэһилиэнньэ көҕүлээһинин өйүүр бырагыраама күрэҕэр быйыл 443 сайаапка сүүмэрдээһини ааста

Комментарии Экономика и сельское хозяйство

Поделиться:

НВК САХА – Олохтоох нэһилиэнньэ көҕүлээһинин өйүүр тус сыалаах бырагыраама 2019 сыллааҕы күрэҕэр уопсайа 565 сайаапка киирбититтэн, 443 сүүмэрдээһини ааспыт. Киирбит бырайыак уопсай суумата 726 мөлүйүөн солкуобайга тэҥнэспит. Билигин номнуо бырагыраама иитинэн үп тыырыллан, бырайыактары олоххо киллэрии саҕаланна.

Мэҥэ Хаҥалас Майатыгар дьон-сэргэ сынньанар сквердэрэ, оптуобус тохтобула тутулунна. Олохтоохтор манан эрэ муҥурдаммакка, салгыы этиилэрин олоххо киллэрэр баҕалаахтар. Кэлиҥҥи сылларга нэһилиэнньэ көҕүлээһинэ, этиитэ олоххо киирэрэ үксээтэ. Манна нэһилиэнньэ көҕүлээһинин өйүүр тус сыалаах бырагыраама төһүү күүс буолар.

Оттон Покровскай куорат олохтоохторун көҕүлээһининэн Звероферма түөлбэтигэр сайыҥҥы бириэмэҕэ үлэлиир уу ситимин тардыбыттара. Маны сэргэ Кылбастаах түөлбэтигэр оҕо оонньуур сирэ тутуллан үлэҕэ киирбитэ. Сылтан сыл куорат улаата турар, саҥа түөлбэлэр баар буоллулар. Онуоха бу сылга үлэни салгыырга диэн нэһилиэнньэ туруорсар.

Бырагыраама 2019 сыллааҕы күрэҕэр уопсайа 565 сайаапка киирбититтэн, 443 сүүмэрдээһини ааспыт. Киирбит бырайыак уопсай суумата 726 мөлүйүөн солкуобайга тэҥнэспит. Сылтан сыл нэһилиэнньэ көҕө улаатан иһэр, ону кытта көрүллэр үп кээмэйэ элбиир.

“2018 уонна 2019 сылларга киирбит сайаапкалартан уунан уонна итиинэн хааччыйыы бырайыактара бастаан тураллар. Ону таһынан спортивнай площадкалары оҥорорго, сынньалаҥ кииннэрин, нэһилиэк тас көстүүтүн, пааматынньыктары туруорарга сайаапкалар элбэхтэр”, – диэтэ үп министиэристибэтин пресс-сэкирэтээрэ Анна Чусовская.

Бырагыраама 2017 сылтан үлэлиэҕиттэн, Саха сирин нэһилиэнньэлээх пууннарыгар оҕо спортивнай площадкалара тутулуннулар, уу ситимнэрэ тардылыннылар. Маныаха кэлэр 2020 сылга кыттыахтаах бырайыактар номнуо бу сыл сэтинньи-алтынньы ыйдарыгар бэлэмниэхтээхтэр. Оттон 2020 сыл саҥатыгар тустаах биэдэмистибэ кыайыылаахтары быһаарыа.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

13 + 15 =

ЛЕНТА НОВОСТЕЙ