«Онкопоиск» аахсыйа бэс ыйын 1 күнүгэр диэри уһаата

Комментарии Главные новости, Образование и здравоохранение

Поделиться:

НВК САХА – Саха сирин дьоно-сэргэтэ “Онкопоиск” диэн аахсыйа тэриллибитигэр көхтөөхтүк кыттыбыттара, доруобуйаларын бэрэбиэркэлэммиттэрэ. Онон доруобуйа харыстабылын министиэристибэтэ бу аахсыйаны 2019 сыл бэс ыйын 1 күнүгэр диэри уһатарга быһаарда.

Санатар буоллахха, Ил Дархан Айсен Николаев муус устар 13 күнүттэн ыам ыйын 13 күнүгэр диэри “Онкопоиск” диэн аахсыйаны биллэрбитэ. Бу тэрээһин дьон-сэргэ искэн ыарыыны эрдэттэн билэригэр туһаайыллыбыта.

“Муус устар 13 күнүттэн ыам ыйын 13 күнүгэр диэри Саха сирин үрдүнэн онкомаркерга 40 тыһыынчаттан тахса киһи туттарбыта. Олортон 8 тыһыынчаттан тахса киһи онкология диспансерыгар кэлэн көрдөрүммүтэ”, – диэн СӨ доруобуйа харыстабылын миниистирэ Елена Борисова иһитиннэрдэ.

Ыам ыйын 8 күнүнээҕи туругунан, анаалыс туттарбыт дьонтон тыһыынчаттан тахса киһини эбии көрдөрүнэллэригэр ыыппыттар.

Онкомаркерга Дьокуускай куорат бары поликлиникаларыгар, оройуоннааҕы киин балыыһаларга уонна өрөспүүбүлүкэтээҕи онкология диспансерыгар туттараллар.

Дьокуускай куоракка бу курдук аадырыстарга туталлар: 

1№-дээх поликлиника – Киров уул., 19;
2№-дээх Дьокуускай куораттааҕы балыыһа – Кузьмин уул., 3;
3№-дээх Дьокуускай куораттааҕы балыыһа – Лермонтов уул, 126;
Дьокуускай куорат Мэдиссиинэ киинэ – Кальвиц уул., 3;
3№-дээх өрөспүүбүлүкэтээҕи балыыһа – Горькай уул., 94.

“Онкопоиск” аахсыйанан босхо хаан анаалыһын туттарарга пааспар, полис, СНИЛС ирдэнэр.

Анаалыһы үлэ күнүгэр 9.00 чаастан 11.00 чааска диэри аччык искэ туттараҕыт.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 + четыре =

ЛЕНТА НОВОСТЕЙ