Орто анал үөрэх устудьуоннара үөрэҕи уонна үлэни тэҥҥэ дьүөрэлииллэр

Комментарии От редакции

Поделиться:

НВК САХА – Кэлиҥҥи сылларга Саха сирин анал орто үөрэх кыһаларыгар Германияҕа киэҥник тарҕаммыт дуальнай үөрэхтээһин ньыматын күүскэ киллэрэн эрэллэр. Ол курдук туһааннаах идэҕэ уһуйуллар устудьуоннар үөрэх быраактыкатын инникитин үлэлии киириэхтээх тэрилтэлэригэр ааһаллар, онон устудьуоннар туһааннаах идэни толору баһылыылларыгар маннык үөрэх ньымата төһүү күүс буолар.

Техник-механик идэтигэр уһуйулла сылдьар Федор Толстяков түөрүйэҕэ үөрэппит билиитин “Якутмедтранс” тэрилтэҕэ кэлэн чиҥэтэр. Кини массыына мотуорун ыһан, өрөмүөннээн, сууйан-сотон саҥаттан таҥар.

Урукку дьылларга үөрэх чааһыгар түөрүйэ элбэх буоллаҕына, саҥа үөрэх ирдэбилэ киириэҕиттэн, быраактыка чааһа 80% диэри элбээтэ. Онон устудьуон үөрэҕин бүтэрдэ да, үлэлииргэ-хамсыырга толору бэлэмнээх буолар. Холобур, Дьокуускайдааҕы индустриальнай педагогическай колледж быраактыканы ааһар хас да тэрилтэни кытта сөбүлэҥ түһэрсэн турар.

“Маннык үлэлиир оҕолор киэҥ билиилээх буоллаллар. Манна барытын гыналлар, ол курдук массыына мотуорун, хоруопкатын да таҥаллар. Ханнык баҕар үлэҕэ маннык үлэһиттэр наадалар”, – диэтэ “Якутмедтранс” тэрилтэ массыына мастарыскыайын салайааччыта Сергей Попов.

Күн бүгүн тустаах колледж маннык үөрэх ньыматынан устудьуон 70% хабан үөрэтэр, итиэннэ сыл ахсын бу көрдөрүүнү тупсарар. Маны сэргэ туһааннаах ньыманы үөрэтэр идэлэригэр толору киллэрэн иһэр.

Маныаха колледж баар кыһалҕалары аахсыбакка, устудьуон үөрэҕин бүтэрдэҕинэ, үлэлээх буоларыгар маҥнайгы куурустан кыһаллар. Саха сирин киин өттүгэр төһө да улахан судаарыстыбаннай, промышленнай тэрилтэлэр суохтарын иһин, күн бүгүн колледж бииргэ үлэлэһэр интэриэстээх тэрилтэлэри булан, устудьуоннарын үлэҕэ сыһыарар.

Онон киһи аймах олоҕор-дьаһаҕар олус наадалаах идэлэргэ үөрэтэр колледж аныгы үйэни тилэх баттаһар. Билиҥҥи ырыынак кэмигэр олоххо бэйэ миэстэтин булуу бу бүгүҥҥү колледж сыала-соруга.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 + 19 =

ЛЕНТА НОВОСТЕЙ