Орто Халымаҕа халаан уутун аһардарга күүстээх үлэни ыыталлар (ВИДЕО)

Комментарии Общество и политика

Просмотров: 14

NVK-ONLINE.RU -Орто Халыма оройуонугар сааскы халаан уутугар бэлэмнэнии үлэлэрэ саҕаланнылар. Гидрометеосулууспа быйыл Орто Халымаҕа уу кутталлаах кирбиини икки миэтирэнэн куоһарарын сабаҕалыыр. Онуоха сааскы халаан уутугар бэлэмнэнии оройуоҥҥа тэрээһиннээхтик саҕаланна.

Ол курдук дамбаны бөҕөргөтүү, громкоговорителлэри туруоруу, быстах кэмҥэ олорор пууннары тэрийии мантан иннэ күүстээхтик барыаҕа.

Быйыл ханна да хаар нуорманы таһынан түһэн, сааскы халаан уута хайдах ааһыан ким да билбэт. Ол эрэн эрдэттэн бэлэмнэннэххэ, сөпкө дьаһаннахха барыта этэҥҥэ ааһыа, хоромньу да аҕыйах буолуоҕа.

Орто Халыма куоратыгар халаан уутун аһарыыга 1 мөл суус тыһыынча көрүллэн турар. Билигин куорат иһинээҕи ууну ыытар турбалары ыраастааһын, өрөмүөннээһин үлэлэлэрэ бараллар. Итиэннэ бу күннэргэ уу ылар кутталлаах олорор дьиэлэринэн куорат Мунньаҕын депутаттара сылдьыахтара, олохтоорго сэрэтэр кэпсэтиилэри ыытыахтара.



Добавить комментарий

Ваш e-mail не будет опубликован. Обязательные поля помечены *

четырнадцать + девять =