Орто Халымаҕа сылгылар сыстыганнаах ыарыынан ыарыйдылар

Комментарии Главные новости, Экономика и сельское хозяйство

Поделиться:

НВК САХА – Орто Халыматааҕы Иккис Хаҥалас нэһилиэгин Балаҕаннаах учаастагар сылгыга лептоспироз – сыстыганнаах ыарыыны буллулар.

Бу туһунан улуус ветеринарнай управлениета иһитиннэрдэ. Онон сибээстээн нэһилиэккэ карантины биллэрдилэр.

Ыарыы тарҕамматын инниттэн учаастакка карантин биллэрэр туһунан ветеринария Саха сиринээҕи Департаменын дьаһала таҕыста.

Билигин сылгылары антибиотигынан эмтииллэр. Кинилэр турар сирдэригэр «Мирасан-F» диэн эминэн дезинфекция ыытылынна.Карантинынан сибээстээн, сылгылары учаастактан таһаарыы, атыттары аҕалыы, ыалдьыбыт сылгыны өлөрүү бобулунна. Итини тэҥэ сылгылаах дьоҥҥо сэрэтэр үлэ ыытылларыгар мэктиэлэннэ.

Маннык ис хоһоонноох сурук Иккис Хаҥалас нэһилиэгин дьаһалтатыгар бэрилиннэ.

Аны үс ыйынан бу эҥэр сылгы хаанын Өрөспүүбүлүкэтээҕи ветеринарнай-тургутар лабораторияҕа анализка ыытыахтара.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × один =

ЛЕНТА НОВОСТЕЙ