Орто Халыма оройуонугар хаар кээмэйэ нуорматтан таҕыста

Комментарии Общество и политика

Поделиться:

НВК САХА – Бырабыыталыстыба бэрэссэдээтэлин бастакы солбуйааччыта Алексей Колодезников баһылыктаах Орто Халыма оройуонун Арҕахтаах сэлиэнньэтин олохтоохторун кытта буолбут көрсүһүү хаамыытыгар, хаар таһыма былырыыҥҥы көрдөрүүттэн үрдүк буолара бэлиэтэммитин туһунан СӨ бырабыытылыстыбатын пресс-сулууспата иһитиннэрэр. 

Көрсүһүү хаамыытыгар халаан кэмигэр былыырыыҥҥы курдук ириэрии хатыланыан сөбүн бэлиэтээтилэр. Быйылгы дьылга куттал тахсыан сөптөөҕүн бары билэн туран, халааҥҥа эрдэттэн бэлэмнэнэллэр. Ол курдук сүөһү эрдэ бэлэмнэммит кырдалга үүрүллүөҕэ, быстах кэмҥэ олорор сир спорт саалатыгар баар буолуоҕа. Ас-үөл, эмп саппааһа уонна ГСМ бэлэм.

Бырабыыталыстыба бэрэссэдээтэлин бастакы солбуйааччыта Алексей Колодезников баһылыктаах үлэлиир бөлөх Орто Халыма оройуонун Сватай, Березовка уонна Арҕахтаах сэлиэнньэтигэр барыаҕа диэн  эрдэ иһитиннэрбиппит. Ыксаллаах быһыы-майгы тахсыытын сэрэтэр уонна ону суох оҥорор бырабыыталыстыба хамыыһыйатын чилиэттэрэ муниципалитеттар халаан уутугар төһө бэлэмнээхтэрин көрүөхтэрэ уонна кэлэр үлэ былаанын кытта билсиэхтэрэ. Ону тэҥэ Березовка сэлиэнньэтин көһөрөр туһунан боппуруоһу быһаарыахтара.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать + 11 =

ЛЕНТА НОВОСТЕЙ