Орто Халыма Сыбаатайыгар халаан уутугар бэлэмнэнии үлэтэ ыытыллар

Комментарии Общество и политика

Поделиться:

НВК САХА – Орто Халыма Сыбаатай нэһилиэгэр сааскы халаан уутуттан хоромньуну кыччатар сыалтан, тоһуур миэрэлэри ылыналлар. Бу туһунан нэһилиэк баһылыга Иннокентий Колесов иһитиннэрдэ.

«Сүөһүнү уу ылбат үрдүк сиргэ көһөрөн саҕалаатыбыт. Номнуо 70 ынаҕы «Байкал» диэн учаастакка үүрдүбүт. Алаһыай өрүс эстиитин ый бүтүүтэ күүтэбит», – диэн баһылык эттэ.

2017 сыллаахха Алаһыай өрүс халааннаан нэһилиэнньэлээх пуун ууга барбыта. Уу үрдүк таһыма хас да ый турбута. Оҕолор чэбдигирдэр лааҕырдарга ыытыллыбыттара. Ону тэҥэ Орто Халыма Арҕахтаах уонна Березовка нэһилиэктэрэ уонна Аллараа Халыма Андрюшкино уонна Халыма нэһилиэктэрэ халаан уутуттан эмсэҕэлээбиттэрэ. Регион салайааччыта Егор Борисов тиийэ сылдьан, Березовка нэһилиэгин үрдүк сиргэ көһөрөр туһунан эппитэ.

2017 сыллаахха Сыбаатайга 161 киһи олорор 37 дьиэтэ, ону тэҥэ социальнай суолталаах эбийиэктэр, икки муоста уонна 717 миэтэрэ уһуннаах ититэр ситим ууга барбыта. 70% оттуур сири уу ылбыта. Сыбаатайга халаан уутун хоромньута 9,1 мөл солкуобайга тэҥнэспитэ.

Өрөспүүбүлүкэ бырабыыталыстыбатын бэрэссэдээтэлин бастакы солбуйааччыта Алексей Колодезников  Орто Халыма Сыбаатай, Арҕахтаах нэһилиэктэрэ, Абый оройуона уонна  Орто Халыма Березовката ууга барар кутталлаах диэн эттэ. Кини салайар оробуочай бөлөҕө аныгыс нэдиэлэҕэ Сыбаатайга, Березовкаҕа уонна Арҕахтаахха көтүөҕэ. –ай//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × 1 =

ЛЕНТА НОВОСТЕЙ