Оскуоланы бүтэрээччилэр ханнык үөрэххэ ордук талаһаллар? (ВИДЕО)

Комментарии Образование и здравоохранение

Просмотров: 18

NVK-ONLINE.RU – Эбээн-Бытантай улууһугар быйыл оскуоланы 34 оҕо бүтэрэр. Оля Попова биология, химия үөрэҕэр туттарсаары, биология, обществознание түмүгүн күүтэр. Бу ый 19-гар химиятын туттарыаҕа.

 

Эбээн-Бытантайга специалистар кэлиилэрэ ыарахан, 1-3 сыл үлэлээн баран төннөн хаалаллар. Ордук быраастар, техническэй үөрэхтээх дьон, инженердэр, биология, история, математика, физика учууталлара тиийбэттэр. Онон бу өттүгэр профориентационнай үлэни ыыталлар.

Бу күннэргэ ханан даҕаны Биир кэлим экзамены туттарыы, үөрэххэ туттарсарга бэлэмнэнии бара турар. Бу бэнидиэнньиктэн киин тутар хамыыһыйа үлэтин Кулаковскай аатынан уулусса 42 №-гэр университет кылаабынай куорпуһугар саҕалыыр. Быйыл 3 тыһыынчаттан тахса бюджет, 2 тыһыынча курдук төлөбүрдээх миэстэлэр көрүллүөхтэрэ.

Докумуону сайтка баар почта аадырыһыгар сканердаан ыытыахха эмиэ сөп. ЕГЭ-нэн туттарааччылар от ыйын 25-гэр диэри докумуоннарын ыыталлара ирдэнэр. Быйыл Филологическай бакылтыакка медиакоммуникация, Геолого-разведочнай бакылтыакка ниэп, газ техниката уонна технологията диэн саҥа үөрэхтэр арылыннылар.

Оҕолор ордук техническэй хайысханы талаллар. Чуолаан пединститукка куонкурус элбэх. Холобур, Бүлүү улууһугар 264 оҕо оскуоланы бүтэрэр, манна үгэс курдук математика, физика, обществознание предметтэрин талаллар.

Улууска биир кэлим экзамены туттарааччылар 93 %-на этэҥҥэ ааста. Мантан 63 %-на хаачыстыбаҕа туттурда. Шура Петрова төһө да тыл өттүгэр ордук күүстээх буоллар, дьону эмтиир баҕата өтөн, кэнники сылларга химия, биология предметтэригэр интэриэһэ үрдээбит.

Өссө биир үрдүк куонкурустаах уонна Сибииргэ, Уһук-Илиҥҥи региоҥҥа база, үөрэтии, быраактыка өттүнэн инники күөҥҥэ сылдьар үөрэх тэрилтэтинэн Медицинксэй институт буолар. Специалистары бэлэмнииргэ былырыыҥҥа диэри 23 миэстэ көрүллэр этэ, быйыл 8 хайысхаҕа лицензия ылбыттар. Доруобуйа харыстабылын Министиэристибэтин сакааһынан УЗИ, клиникаҕа лаборатория диагностикатын специалистарын, онколог, рентгенолог быраастары бэлэмнииргэ сорук турар. Сөбүнэн баллаах эрээри куонкуруһунан киирбэтэх оҕолорго биир сыллааҕы төлөбүргэ балаһыанньа быһыытнан чэпчэтии көрүллэр.

Бэс ыйын 19 күнүттэн киин тутар хамыыһыйа түбүктээх үлэтигэр киирэр, оттон үөрэҕи, билиини баһылыыр баҕалаахтарга саамай эппиэтинэстээх кэм үүннэ.

 



Добавить комментарий

Ваш e-mail не будет опубликован. Обязательные поля помечены *

3 × 2 =