Остуол оонньуулара дьон биһирэбилин ылар

Комментарии Общество и политика

Поделиться:

НВК САХА – Өбүгэ оонньууларын киэҥ эйгэҕэ таһаарарга дьон көхтөөхтүк ылсар. Мас ууһа Кэскил Прудецкай иллэҥ кэмигэр оҕолорго, ону тэҥэ улахан дьоҥҥо аналлаах 

ону тэҥэ улахан дьоҥҥо аналлаах остуол оонньууларын оҥорор. Уус киһи мастарыскыайыгар «Саха» НКИХ кэрриспэндьиэнэ Саргылаана Захарова ыалдьыттаата.

Ойбонноох тыксаан, саһаан, колобок, уус киһи толкуйа баай. Кэскил Прудецкай иллэҥ кэмигэр эрэ остуол оонньуутун оҥорорго түбүгүрэр. Кини киһи өйүн-санаатын сааһылыыр, моторикатын сайыннарар ооньуулары оҥорор буолбута сылтан орпут. Үгэс буолбут судургу оонньуулартан саҕалаан, маастар бэйэтэ айбыт уустук, толкуйдатар оонньуулара угус. Дьон-сэргэ сэргээн маастартан тута атыылаһар эбэтэр арендалыыр.

Уһанар сүрүн матырыйаала — мас фанера. Маастар толкуйун кумааҕыга туһэрээт чертеж оҥорор, салҕыы лазернай станокка чочуйан таһаарар. «Биир оҥоһукка нэдиэлэ кэриҥэ кэм барар. Оонньуур ордук  уһуйааннар, оскуолалар интэриэстэрин тардар. Кырачааннар компьютерга, телефоҥҥа умса түспэккэ остуол оонньуутун сэргииллэр. Ордук Колобогу сөбүлээн оонньууллар. Бу түмүгэр болҕомтолоро, тулуурдара, дьаныардара сайдар, суолга-иискэ бэйэлэрин салайына үөрэнэллэр» – диэн уус Кэскил Прудецкай быһаарар.

Маастар этэринэн, биир оонньууну оҥорорго матырыйаалга барар оросхуот толуллара билигин бытаан. Онон уус киһи, дьон оҥоһуктарга төһө интэриэстээҕин кэтээн көрөр. Остуол оонньууларын дьон чахчы сэҥээрэр эбит диэтэҕинэ салгыы оҥоһуктарын ахсаанын элбэтэн ырыынакка тахсар баҕалаах.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × 3 =

ЛЕНТА НОВОСТЕЙ