Петр Алексеев Таатта улууһун фермердара граны хайдах туһаналларын билистэ (ВИДЕО)

Комментарии Экономика и сельское хозяйство

Просмотров: 38

Тыа хаһаайыстыбатын миниистирэ Петр Алексеев Таатта улууһугар үлэлээтэ. Кини гран ылбыт фермердэр үптэрин хайдах дьаһанан олороллорун, үлэлэрин хайдах ыыталларын көрдө иһиттэ.

Кыра лаппаҕар буолан баран хойуу үүттээх Сүүтүгү кытта өссө 20-чэ ынаҕы Гаврил Петров ыаллыы нэһилиэктэртэн атыыласпыт. Кини 4,5 мөлүйүөннээх гранынан 50 ыанньыкка анаммыт хотонун Саҥа дьылы баттаһа туттан киллэрдэ, үүт сойутарын, ноһуом соһорун атыылаһан олорор. Министр Петр Алексеев хас да көлө киирэр сыһыары улахан гараһы уонна оту үөһэнэн киллэрэр ньыманы ордук биһирээтэ.

Петровтартан чугас эмиэ хотон туттубут Иннокентий Комиссаров ыанньыктарын 13-тэн 20-ҕэ тиэрдэр баҕалаахтар. 4 оҕобуттан улаханым – бастыҥ көмөлөһөөччүм диэн ыал аҕата өссө үөртэ.

Петровтар, Комиссаровтар курдук сүөһү ас тутар Дьохсоҕон 21 ыала сотору агрокварталга олохсуйуохтара. Күн бүгүн 6 дьиэ тутуллубут.
Николаевтар уонна Сивцевтар бу күннэргэ киин ситимҥэ холбоммуттар.

Салгыы министири Ытык Күөл олохтооҕо, 3 мөл 600 тыһынчалаах граҥҥа тиксибит Ньукулай Протопопов көрүстэ. Фермер бу үбүнэн сүөһүтүн элбэтэн, хотонун туттан үлэтин тигинэччи ыытар.



Добавить комментарий

Ваш e-mail не будет опубликован. Обязательные поля помечены *

шестнадцать − восемь =