Өлүөнэ өрүс мууһа Покровскай аннынан устар

Комментарии Главные новости, Общество и политика

Поделиться:

НВК САХА – Гидрометкиин иһитиннэрэринэн, Өлүөнэ өрүс мууһун алын кирбиитэ нуорматтан үс хонук эрдэлээн, Хаҥалас улууһугар Покровскай куорат таһыгар кэллэ. Билигин манна муус хойуутук устар. Ити эҥээр уу таһыма куттала суох. Табаҕа-Дьокуускай учаастагар уу сууккаҕа 0,3-0,4 миэтэрэ үрдүүр. Манна муус хамсааһына саҕаланна, ырбыыланна.

Алдан өрүс мууһун алын кирбиитэ Уус Алдан улууһугар бэлиэтэнэр. Верхоянскай Перевоз гидропуоһугар бүгүн муус хамсаата. Ыам ыйын 16 күнүгэр Бүлүү куоратын таһыгар муус хамсаата. Кэбээйи улууһун Хатырык Хомо гидропуоһун таһыгар мууһу уу көтөхтө.

Дьааҥы уонна Индигир өрүстэргэ уу таһыма кыралаан үрдүүр, ырбыы бэлиэтэнэр, муус үрдүгэр ууланна.

Халыма өрүс Зырянка бөһүөлэгин таһыгар уу хаатыттан таҕыста. Чугастааҕы күннэргэ уу таһыма түһэрин күүтэллэр. Муус алын кирбиитэ Үөһээ Халыма улууһугар бэлиэтэнэр. Орто Халыма куоратын таһыгар өрүс эстиитин нуорматтан нэдиэлэ урутаан, ыам ыйын 18-19 күнүгэр сабаҕалыыллар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × 5 =

ЛЕНТА НОВОСТЕЙ