Өрөспүүбүлүкэҕэ билигин 184441 сүөһү, 178870 сылгы кыстаан турар

Комментарии Экономика и сельское хозяйство

Поделиться:

НВК САХА – Быйылгы кыстык урукку дьыллардааҕар хайдах баран иһэрин тыа хаһаайыстыбатын миниистирин солбуйааччы Николай Афанасьевтан ыйыталастыбыт. Кини өрөспүүбүлүкэҕэ билигин 184441 сүөһү, 178870 сылгы кыстаан турарын, эбии аһылыкка 9138 сылгы киирбитин, 318729 туонна от, ол эбэтэр бэлэмнэммиттэн 67,8 бырыһыана хаалбытын иһитиннэрдэ.    

«Сүөһү-сылгы кыстыгы этэҥҥэ туоруурун хааччыйар туһуттан 13082,5 туонна от тиэйиллиэхтээх, ити иһигэр улуус тас өттүттэн – 6812,1 туонна, улуус иһигэр (60 км ыраах сиртэн) – 6270,4 туонна. Билиҥҥи туругунан, бу кээмэйтэн 4503 туонната тиэйиллиннэ. Тааттаҕа 1184, Горнайга 716, Аммаҕа 690, Ньурбаҕа 450, Намҥа 350, Үөһээ Бүлүүгэ 300, Нерюнгрига 232, Бүлүүгэ 200, Чурапчыга 161, Мэҥэ Хаҥаласка 100, Уус Алдаҥҥа 80, Уус Маайаҕа 40 туонналыы от кыһалҕалаахтарга тиксэрилиннэ. Кыстык буоларын курдук эриэ – дэхси буолбатах. Кыстыыр отторун ситэ бэлэмнэммэтэх биирдиилээн хаһаайыстыбалар уонна нэһилиэктэр син биир бааллар. Бүлүү улууһугар “Тыымпы” кэпэрэтиип, Уус Алдан улууһугар “Уус Алдан” МТС ТХПК, Дьокуускайга “Сахаплемхолбоһук” АУо сүөһү кыстыгар тиийбэт аһылыктаахтара эрдэттэн биллэр этэ» – диэн Николай Афанасьев сырдатта.

Барыллаан ааҕыынан, сүөһү аһылыгын тиэйии ороскуотун сорҕотун толуйууга өрөспүүбүлүкэ бүддьүөтүттэн 40-тан тахса мөлүйүөн солкуобай көрүллүөн наада. Билигин ТХМ манна сыһыаннаах бирикээһин бырайыага бэлэмнэниллэр. Онно ыйылларынан, улуус таһыттан тиэйиигэ киин, илин эҥэрдээҕи уонна Бүлүү умнаһынааҕы улуустарга 65, хотугу улуустарга 70, улуус иһигэр нэһилиэктэн нэһилиэккэ (60 км тэйиччи буоллаҕына) 40 бырыһыана толуйуллуохтаах.

Манна сыһыаран бэлиэтээтэххэ, сүөһүгэ дороххой аһылыгы таһынан хаһаайыстыбалар ааспыт сайын сүмэһиннээх аһылыгы хото бэлэмнээбиттэрэ ыанньык сүөһү туругун бөҕөргөтөргө итиэннэ бородууксуйаны дэлэтэргэ көмөлөөх буолуоҕа. Ол курдук, былааннаммыт кээмэйтэн 37 бырыһыанынан элбэх сенаж (15352 туонна), 26 бырыһыанынан элбэх сиилэс (23416,8 туонна) оҥоһуллубута. Бу көрдөрүү былырыыҥҥы уустук кыстык хаһаас аһылыгыттан, туһааннааҕынан — 76,9 уонна 38,5 бырыһыанынан ордук, ол эбэтэр 6675 уонна 6513,6 туоннанан чорбойор.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × три =

ЛЕНТА НОВОСТЕЙ