Өрөспүүбүлүкэ облигациялара олус улахан ирдэбиллээхтэр

Комментарии Экономика и сельское хозяйство

Поделиться:

НВК САХА – СӨ Үбүн министиэристибэтэ иһитиннэрбитинэн, ыам ыйын 22 күнүгэр Москватааҕы биржаҕа RU35012RSY0 сиэрийэлээх Саха Өрөспүүбүлүкэтин 2019 сыллааҕы судаарыстыбаннай сойуом сыаналаах кумааҕыларын бастакы таһаарыыта ситиһиилээхтик угулунна.

Ол курдук министиэристибэ облигация эмиссиятын барыта 24 сыллаах устуоруйатыгар саамай улахан кээмэйдээх – 7 миллиард солкуобай суумалаах судаарыстыбаннай сойуом сыаналаах кумааҕытын укта. Бастакы этиини аҕыстан  төгүлтэн  тахса куоһаран 56,9 миллиардтан элбэх солкуобайдаах олус улахан интэриэс баара бэлиэтэннэ.

Маныаха өрөспүүбүлүкэ кредитнэй хаачыстыбата, Российскай Федерация (ВВВ-) рейтинин кытта биир таһымҥа турар “Fitch Ratings” норуоттар икки ардыларынааҕы инвестиционнай кредитнэй рейтиннээҕэ төһүү буолла.

Облигацияны угуу кэмигэр 64 инвестортан, ол иһигэр 24 биирдиилээн дьонтон сайаапка киирдэ. Сүрүн инвестордарынан Россия бааннара, инвестиционнай хампаанньалар, судаарыстыбаннайа суох пенсионнай пуондалары салайар хампаанньалар буолаллар.

Москва биржатыгар сыаналаах кумааҕыны угуу түмүгэр өрөспүүбүлүкэ 8,59 % ыстаапкалаах 7 сыллаах сойуому ылла. Облигация сыаната – 1 тыһыынча солкуобай. Бары купон 91 күн болдьохтоох.

Аны аҕыйах ыйынан сыаналаах кумааҕылары Россия баанын Ломбарднай испииһэгэр киллэриэхтэрэ. Оттон бу күннэргэ “ЭкспертРА” Саха Өрөспүүбүлүкэтигэр национальнай кредитнэй рейтини биэриэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

2 × 2 =

ЛЕНТА НОВОСТЕЙ