Өрөспүүбүлүкэ олохтоохторо нуучча тылыгар билиилэрин тургуттулар

Комментарии Образование и здравоохранение

Поделиться:

НВК САХА – Өрөспүүбүлүкэ олохтоохторо нуучча тылыгар билиилэрин тургуттулар. Субуота күн дойду урдунэн “Тотальнай дьыктаан” ыытылынна. Таба суруйууну бэрэбиэркэлиир аахсыйа Дьокуускайга сэттэ былаһаакканан барда.

Ол иһигэр аҥардас национальнай библиотекаҕа 300 тахса баҕалаах киһи кэлэн дьыктаан суруйда. Бу сырыыга дьыктаан тиэкиһин Арассыыйа биллэр суруйааччыта, кириитигэ Павел Басинскай бэлэмнээтэ.

Суругунан сорудах быһа холоон 300-чэ тылтан турар. Онтон дьыктааны ким хайдах суруйбутун, туохха сыыспытын бу нэдиэлэ бүтүүтэ ТоталДикт.ру киирэн билиэххэ сөп. Бастыҥнарга өйдөбүнньүк бэлэхтэр туттарыллыахтара.

Бэлиэтиир буоллахха, таба суруйууну көҕүлүүр аахсыйаҕа Саха сирэ 8 сылын кыттыста. Сылтан сыл бэйэ билиитин, таһымын ырыҥалаан, ырытан көрөр баҕалаах киһи элбээн иһэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

14 − шесть =

ЛЕНТА НОВОСТЕЙ