Үрүҥ сылгы уобараһа быйылгы “Туймаада ыһыаҕын” сүрүн бэлиэтэ буолуоҕа

Комментарии Горячая линия, Спорт и культура

Поделиться:

НВК САХА  – Быйылгы “Туймаада ыһыаҕын” сүрүн уобараһынан үрүҥ сылгы таҥарата – Дьөһөгөй Айыы буолуоҕа.

“Быйыл сүрүн оруолу Дьөһөгөй Айыы таҥаратыгар, төгүрүк сылы, күүтүүлээх самаан сайыны уонна Туймаада хочотун күөх алаастарын бэлиэтиир Үрүҥ күҥҥэ аныахпыт”, – диэн куорат дьаһалтатын пресс-сулууспатыгар иһитиннэрдилэр.

Бу улахан тэрээһиҥҥэ от күөх, халлаан күөх, саһархай уонна өһөх кыһыл өҥнөрү туттуохтара. Дьокуускай куорат болуоссаттарыгар уонна киин уулуссаларыгар араас сахалыы да, нууччалыы да тыллаах алгыстаах бааннердары, национальнай моһуоннаах былаахтары иилиэхтэрэ.

“Ыһыах кэмигэр итии аһы-үөлү, олохтоох бородууксуйаны, сувенирдары, норуот оҥоһуктарын атыылыыр 170 эргиэн туочуката үлэлиэ”, – диэн урбаан, атыы-эргиэн, туризм уонна тырааныспар сайдыытын департаменын салайааччы Ирина Гаргач иһитиннэрдэ уонна ыһыах кэмигэр Үс Хатыҥ сиригэр-уотугар көҥүлэ суох эргиэни Дьокуускай куорат административнай хамыыһыйатын бөлөҕө кэтээн көрүөҕэ диэн эбэн эттэ.

“Туймаада ыһыаҕа” өрөспүүбүлүкэбит култууратын биир сүрүн чаҕылхай бэлиэтинэн буолар уонна сылын ахсын Арассыыйаттан эрэ буолбакка, тас дойдуттан тиийэ ыалдьыттар кэлэн көхтөөх кыттыыны ылаллар. Быйылгы ыһыах бэс ыйын 23-24 күннэригэр Үс Хатыҥ сиригэр ыытыллыа.

Ыһыах кэмигэр Үс Хатыҥ-Гимеин-Үс Хатыҥ уонна Автовокзал-Үс Хатыҥ-Автовокзал хайысханан дьону “Дьокуускайдааҕы дьону таһар тырааныспар” хампаанньатын 155 №-дээх уонна 156 №-дээх автобустара таһыахтара. Маны таһынан ыһыахтыыр сир сүрүн тырааныспар тохтуур сириттэн Үс Хатыҥ сүрүн кииритигэр диэри дьону босхо автобустар таһыахтара. Уопсастыбаннай уонна тырааныспар сырыытын бэрээдэгин суолга куттал суох буолуутун хааччыйар судаарыстыбаннай инспекция үлэһиттэрэ кэтиэхтэрэ.-сд//яв

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − пять =

ЛЕНТА НОВОСТЕЙ