Үрдүк ситиһиилэммит Хаҥалас спортсменнарын биир дойдулаахтара чиэстээтилэр (ВИДЕО)

Комментарии Спорт и культура

Просмотров: 40

NVK-ONLINE.RU – Хаҥалас улууһугар спортсменнары чиэстээһин буолла. “Дыгын оонньууларын” икки төгүллээх кыайыылааҕа Егор Филипповы биир дойдулаахтара уруйдаатылар-айхаллаатылар. Улуус, биирдиилээн меценаттар ааттарыттан ситиһиилээх спортсмеҥҥа, оскуола оҕолоругар ыытыллыбыт спартакиадаҕа бастакы миэстэни ылбыт хамаандаҕа махтал суруктары, сыаналаах бириистэри туттардылар.

“Дыгын оонньууларыгар” иккис төгүлүн кыайыылаах аатын сүкпүт Егор Филипповы хаҥаластар туран эрэ чиэстээтилэр. Егор маҥнайгытын “Дыгын оонньууларыгар” 2015 сылга кыттан 4 миэстэ буолбута. Эһиилигэр 2016 сыллаахха кыайыы үрдүк үөрүүтун билбитэ, быйыл ситиһиитин хатыллаан, биир дойдулаахтарын үөртэ.

Оскуола оҕолорун спартакиадаларыгар бастаабыт Хаҥалас улууһун хамаандаатын, “Манчаары оонньууларыгар” ситиһиилэммит спортсменнары эҕэрдэлээһин, наҕараадалааһын буолла. Сиинэ нэһилиэгэр олорор үс сыллааҕыта оһоллонон, хараҕынан көрбөт буолбут, ол эрээри дьарыктаабыт оҕолорун салгыы эрчийэн, ситиһиигэ тиэрдибит модун санаалаах тренергэ Виктор Федоровка «Улуус социально-экономическай сайдыытыгар кылаатын иһин» бэлиэни туттардылар.

Ыарахантан, ыарыыттан толлубат Хаҥалас чулуу дьоно эдэр көлүөнэҕэ үтүө холобур буолаллара саарбаҕа суох.



Добавить комментарий

Ваш e-mail не будет опубликован. Обязательные поля помечены *

пять + девятнадцать =