Үөрэх министиэристибэтэ субсидияны көрөргө эрэгийиэннэр ортолоругар куонкурус биллэрдэ

Комментарии Общество и политика

Поделиться:

НВК САХА – Россия үөрэҕин министиэристибэтэ дойду субъектарын ортотугар «Үөрэҕирии» национальнай бырайыак иитинэн субсидияны көрөргө куонкурус биллэрдэ. Ол быһыытынан эрэгийиэннэргэ үс сыл устата 155 миллиард солкуобайтан тахса үбү ыытыахтара.

Министиэристибэ сайаапканы бэс ыйын 7 күнүттэн от ыйын 8 күнүгэр диэри тутар. Субсидия национальнай бырайыак  12 тэрээһинигэр ананар.

Миниистир Ольга Васильева бэлиэтииринэн, субсидиялар аан бастаан үс сылга тыырыллыахтара, онуоха сороҕо бырайыагы олоххо киллэрии болдьоҕун устата – 2024 сылга диэри тиийэ бэриллиэ.

Тустаах үпкэ оскуолаларга материальнай-тэхиньиичэскэй базаны саҥардыахтара, тыа оскуолаларыгар физкультуранан уонна успуордунан дьарыктанарга усулуобуйа тэриллиэ, аныгы технологическай оборуудабанньаны туруоруохтара, «Кванториум» оҕо технопааркаларын тутуохтара, дьоҕурдаах оҕолору өйүүр кииннэри тэрийиэхтэрэ, итинтэн да атын хайысха кыаллыа.

ТАСС иһитиннэрбитинэн, билигин номнуо 55 миллиард солкуобай эрэгийиэннэр оскуолаларыгар саҥа миэстэлэри тэрийэргэ, ол иһигэр үһүс симиэнэни суох оҥорууга баран турар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два + пять =

ЛЕНТА НОВОСТЕЙ