Режиссер, актриса Матрена Корнилова олохтон барда

Комментарии Общество и политика

Поделиться:

НВК САХА – Саха сирин култуурата ыар сүтүктэннэ. Бөлүүн түүн республика үтүөлээх артыыската, П.А.Ойуунускай аатынан  Саха академическай тыйаатырын актрисата, Олоҥхо тыйаатырын режиссера Матрена Владимировна Корнилова уһун ыарахан ыарыыттан 57 сааһыгар олохтон туораата.

Матрена Корнилова 1962 сыллаахха кулун тутар 24 күнүгэр Дьокуускайга төрөөбүтэ. 1985 сыллаахха ССРС Судаарыстыбаннай академическай Аччыгый тыйаатырыгар М.С. Щепкин аатынан тыйаатыр Үрдүкү училищетын “Драма тыйаатырын уонна киинэ актрисата” идэлээх бүтэрбитэ. 1985 сылтан П.А.Ойуунускай аатынан  Саха академическай тыйаатырыгар үлэлээбитэ.

Сүрүн оруоллара:

Агния – “Порок” В.Мекумянов,

Надя, Дуня – “Бэйэ дьоно”,

Мааппа – “Бүдүрүйбүт көммөт” А.Софронов,

Үчүгэй Өрүүнэ – “Дойду оҕото – Дорогуунап Ньукулай”… о.д.а.

Матрена Корнилова 2012 сыллаахтан Олоҥхо тыйаатырыгар үлэлээбитэ. Режиссер быһыытынан “Олоҥхо долгуннара” испэктээҕи туруорбута.

Олоҥхо Тыйаатырыгар оруоллара:

Ийэ – “Олох долгуннара”,

Сабыйа баай хотун – “Эллэй Боотур” Алтан Сарын.

 

Бырастыылаһыы олунньу 24 күнүгэр “Некрополь” траурнай саалаҕа сарсыарда 11 чаастан буолуоҕа.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × четыре =

ЛЕНТА НОВОСТЕЙ