Россия Киин баана ипотекалаах дьоҥҥо утары барар этиини киллэрэр

Комментарии Главные новости, Общество и политика

Поделиться:

НВК САХА – Өскөтүн киһи үлэтин миэстэтин сүтэрбит буоллаҕына, ылбыт ипотекатын иһин төлүүрүн быстах кэмҥэ тохтотор туһунан Россия Киин баана этии киллэрэр. Бу туһунан РИА-сонуннар агентствоҕа сигэнэн, «Якутия24» телеханаал иһитиннэрэр.

Статистика сыыппарата туоһулуурунан, ортотунан 30-35 саастаах киһи дьиэ-кэргэҥҥэ үөскээбит балаһыанньанан, үлэтин миэстэтин хаста да уларытарга күһэллэр. Онуоха итинник түгэн сороҕор киниттэн тутулуга суох буолар.

Маннык киһи 3 ыйтан 6 ыйга диэри көрдөөн, үлэ булар. “Итинник харчыга кыпчыттарар кэм иһигэр кини ипотекатын төлүүрүгэр тохтобул биллэриэххэ сеп”, –  диэн баан салалтата этэр.

Тустаах опциону араас кыһалҕалаах түгэҥҥэ эмиэ туттуохха сөп. Маныаха баан тугу да сутэрбэт. Ол курдук көннөрү ипотека болдьоҕо уһаан биэрэр. Онон бу кредит – төлөнөр болдьоҕо уһаабыт кредит дэммэт.

Бастаан утаа баан кыьалҕаҕа кыһарыйтарбыт ипотекалаах дьоҥҥо биирдэ эрэ маннык утары барыа. Кэнэҕэс тустаах опциону туттуу табыгастааҕын көрдөрдөҕүнэ, хаста да туһаныы эмиэ киириэн сөп.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

тринадцать − 8 =

ЛЕНТА НОВОСТЕЙ