Россия олохтоохторо сайыҥҥы сынньалаҥҥа ордук талар дойдулара ааттанна

Комментарии Общество и политика

Поделиться:

НВК САХА – Турция, Россия, Тунис 2019 сылга дьон ордук сынньанар хайысхаларынан буоллулар.

Чуолаан Турцияҕа уоппускатын атаарыан баҕалаах дьон ахсаана сыл иһигэр 45% – 50% диэри үрдээтэ. Барыллаан ааҕыынан, быйыл сайын бу дойдуга Россия 4,5 мөлүйүөн олохтооҕо тиийиэн сөп.

Россия бу эриэйтиҥҥэ иккис турар. Ол курдук дойду иһинээҕи курортарга туурдары сакаастааһын, ааспыт сылы кытта тэҥнээтэххэ, 20% эбилиннэ. Үһүс миэстэҕэ турар Тунис 12% ылар. Бу дойдуга быйыл сайын Россия 650 тыһыынча кэриҥэ олохтооҕо сынньаныа. Төрдүс уонна бэһис миэстэҕэ туһааннааҕынан Греция уонна Кипр турар.

Итини таһынан Россия дьоно сынньанарга ордук элбэхтэ талар уон дойдутун иһигэр Испания, Таиланд, Италия, Болгария уонна Черногория киирдэ. Бу туһунан РИА иһитиннэрэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × 3 =

ЛЕНТА НОВОСТЕЙ