Россия Президенин Гранын ыларга Саха сириттэн бастакы сүүмэрдээһини 10 тэрилтэ ааста (ВИДЕО)

Комментарии Общество и политика

Просмотров: 11

NVK-ONLINE.RU – Доруобуйатынан хааччахтаах дьон күүстэрин холбоон, санааларын түмэн, биир сомоҕо уопсастыбаннай тэрилтэҕэ кыттыспыттара балачча буолла. Үлэни өссө кэҥэтэр туһуттан сонун бырайыак тобулан, бу саас 200 тыһыынчалаах республика Ил Дарханын Гранын ылбыттара.

Россия Президенин Грана, биллэн туран, инники сайдарга бөҕө тирэх. Быйыл федеральнай бюджеттэн 4 млрд тахса сумма көрүллэн, бастакы сүүмэрдээһини Саха сириттэн 10 уопсастыбаннай тэрилтэ ситиһиилээхтик ааста. Эдьиийдии-балыстыы эмчиттэр Любовь уонна Татьяна Николаевна 499 тыһыынчалаах Граҥҥа тиксэн, билиилэрин-көрүүлэрин ийэ, оҕо доруобуйатын бөҕөргөтөрүгэр уураллар.

Дьоҥҥо-сэргэҕэ туһуламмыт сонун сүүрээни олоххо киллэрэр баҕалаахтар аны федеральнай сүүмэрдээһин иккис түһүмэҕэр кыттыахтарын сөп. Онно балаһыанньа арыый даҕаны уларыйда. Уопсастыбаннай тэрилтэттэн биир эрэ докумуона, устаабын куоппуйата ирдэнэр итиэннэ сайаапкатыгар холбуу бырайыагын ыытар.

Дьэ, ити кыаҕы таба туһанарга билиҥҥитэ туох -ханнык өрүт кыайтарбатый? Бастатан туран, бэйэ куоратын, улууһун, түөлбэтин сытыы кыһалҕатыттан сиэттэрэн, сыал-сорук чопчу биллиэхтээх, ону быһаарар суол-иис эмиэ чуолкай суруллуохтаах.

Семинарга республика араас уһугуттан уопсастыбаннай үлэни көҕүлээччилэр кэлбиттэр. Кинилэр бүгүҥҥү көрсүһүүттэн элбэҕи билэн, федеральнай сүүмэрдээһин иккис түһүмэҕэр киирсиэхпит дэһэллэр.

Россия Президенин Граныгар кыттарга сайаапкалары күн бэҕэһээҥҥиттэн хомуйан, балаҕан ыйын 29 -с күнүгэр диэри ылыахтара. Дьэ, онуоха социальнай хабааннаах бырайыактар сүрүн ис хоһоонноро дьоҥҥо-сэргэҕэ көмөлөөх уонна туһалаах буолуохтаах.



Добавить комментарий

Ваш e-mail не будет опубликован. Обязательные поля помечены *

3 × три =